A l'entrada del temps clar - eya
Per joia recomencar - eya
E per jelos irritar - eya
Vol la regina mostrar
Qu'el es si amorosa
A la vi'a la via jelos
Laissatz nos laissatz nos
Balatr entre nos entre nos

El'a fait pertot mandar - eya
Non sta jusqu'a la mar - eya
Piucela ni bachalar - eya
Que tuit non vengar dancar
En la danca joiosa
A la vi'a la via jelos
Laissatz nos laissatz nos
Balatr entre nos entre nos

Lo reis i ven d'autra part - eya
Per la danca destorbar - eya
Que el es en crementar - eya
Que om ni livolh' emblai
La regin' aurilhosa
A la vi'a la via jelos
Laissatz nos laissatz nos
Balatr entre nos entre nos

Mais per nient lo vol far - eya
Qu'ela n'a sonh de vielhart - eya
Mais d'un leugier bachalar - eya
Qui ben sapcha solacar
La domna saborosa
A la vi'a la via jelos
Laissatz nos laissatz nos
Balatr entre nos entre nos

Qui donc la vezes dancar - eya
E son gent cors deportar - eya
Ben pogra dir de vertat - eya
Qu'el mon non aja sa par
La regina joiosa
A la vi'a la via jelos
Laissatz nos laissatz nos
Balatr entre nos entre nos

Vídeo incorreto?